دي اول مره اكتب بالعاميه رغم اقتناعى باللغه العربيه الفصحى بس التغيير برضو مطلوب و كمان لقيت الموضوع خفيف و لطيف كده
شوف معايا يا حضرت انا و اعوذ بالله من كلمة انا بروح لدكتور تخسيس و ده لامؤاخذه عشان انا مش بقدر التزم فى اكلى لوحدى و لازم حد يفضل فوق دماغى .
قصر الكلام العياده ظريفه لطيفه و تدخل تلاقى نفسك فى " ويتينج ارييا " كبيره بس الشئ الملفت سعادتك انى الراجل الوحيد الى قاعد, اقول لنفسى هو ايه الشباب كله عامل فورمة الساحل و مظبط نفسه والا ايه ؟ ما علينا اقنع نفسى انى مش واخد بالى من نظرات الريبه و الاستغراب اللى فى عنيهم - على اساس انى " ياي" و ولد تختوخ و ان كل واحده فيهم غصن بان- و انفض لده كله و احط ال " ايبود" فى ودانى .
فضل الحال كده كذا مره لحد ما بقيت كائن اليف بيشفوه كتير فامبقوش يبوصو عليه و مبقاش منو قلق و ابتدو يتكلمو قصادى يا باشا و يلا سيدى على اللى باسمعه .... اشى قال ايه اللى قالت للدكتور لازم يبقى فى الرجيم لايس كريم و الا مش حتقدر ...و اللى عندها مشاكل مش عارف فين و االى تعود ساكته ساكته ساكته و مره واحده ينز ل السؤال المتين " الا يا حبيبتى الشنطه الحلوه ديه منين ؟" او " ايه ده هو الدكتور قالك تعملى كده ؟! دا قالى حاجه تانيه خالص" و يبدا النقاش الهام جدا عن اخر صيحات الموضه او اخر مبتكرات علم التخسيس
- طب لمل انتى شاطره اوى كده جايه للدكتور ليه و يمكن زايى مش قادره تلتزم- و ينتهى الحوار السعيد بلازم نتاقبل تانى وده ضرورى يا جميله - و ابقى تف عليا لو واحده سالت غفى التانيه تانى-.
بس الصراحه برضو حصلى موقف ظريف كان فيه سيدات قاعدين بيتكلمو عن الشغل و قرفه ضرب فى و دنى كلامهم - اصل انا مش قاصد اسمع :) - وحسيت انى سمعتو قبل كده روحت سائل هو انتو شغالين فى الشركه الفولاني؟ قالوا اه , قولتلهم بصره تعالوا جمب اخوكو و قاعدنا نتكلم عن الشغل و طبعا مش محتاج اقول ان النس ديه لو شفتنى فى الشغل مش حتسلم عليا اصل يا عينى حيقولوا يعرفونى منين ..... يلا خلاصة الكلام الواحد قال يكتب حاجه منعنشه كده مش كله حاجات تكئب و على راى البرنس فلاح كفر الهنادوه "يجعلوا عامر".
شوف معايا يا حضرت انا و اعوذ بالله من كلمة انا بروح لدكتور تخسيس و ده لامؤاخذه عشان انا مش بقدر التزم فى اكلى لوحدى و لازم حد يفضل فوق دماغى .
قصر الكلام العياده ظريفه لطيفه و تدخل تلاقى نفسك فى " ويتينج ارييا " كبيره بس الشئ الملفت سعادتك انى الراجل الوحيد الى قاعد, اقول لنفسى هو ايه الشباب كله عامل فورمة الساحل و مظبط نفسه والا ايه ؟ ما علينا اقنع نفسى انى مش واخد بالى من نظرات الريبه و الاستغراب اللى فى عنيهم - على اساس انى " ياي" و ولد تختوخ و ان كل واحده فيهم غصن بان- و انفض لده كله و احط ال " ايبود" فى ودانى .
فضل الحال كده كذا مره لحد ما بقيت كائن اليف بيشفوه كتير فامبقوش يبوصو عليه و مبقاش منو قلق و ابتدو يتكلمو قصادى يا باشا و يلا سيدى على اللى باسمعه .... اشى قال ايه اللى قالت للدكتور لازم يبقى فى الرجيم لايس كريم و الا مش حتقدر ...و اللى عندها مشاكل مش عارف فين و االى تعود ساكته ساكته ساكته و مره واحده ينز ل السؤال المتين " الا يا حبيبتى الشنطه الحلوه ديه منين ؟" او " ايه ده هو الدكتور قالك تعملى كده ؟! دا قالى حاجه تانيه خالص" و يبدا النقاش الهام جدا عن اخر صيحات الموضه او اخر مبتكرات علم التخسيس
- طب لمل انتى شاطره اوى كده جايه للدكتور ليه و يمكن زايى مش قادره تلتزم- و ينتهى الحوار السعيد بلازم نتاقبل تانى وده ضرورى يا جميله - و ابقى تف عليا لو واحده سالت غفى التانيه تانى-.
بس الصراحه برضو حصلى موقف ظريف كان فيه سيدات قاعدين بيتكلمو عن الشغل و قرفه ضرب فى و دنى كلامهم - اصل انا مش قاصد اسمع :) - وحسيت انى سمعتو قبل كده روحت سائل هو انتو شغالين فى الشركه الفولاني؟ قالوا اه , قولتلهم بصره تعالوا جمب اخوكو و قاعدنا نتكلم عن الشغل و طبعا مش محتاج اقول ان النس ديه لو شفتنى فى الشغل مش حتسلم عليا اصل يا عينى حيقولوا يعرفونى منين ..... يلا خلاصة الكلام الواحد قال يكتب حاجه منعنشه كده مش كله حاجات تكئب و على راى البرنس فلاح كفر الهنادوه "يجعلوا عامر".
LOOOL
ReplyDelete