أنا محبط

أنا محبط
بعد ما وصلت لحالة هستريا من الإحباط اللي وصلتلوأ
الحوار ده بيني و بين ناس صحابي يوم ٢٠
على فكرة أنا مش حاسس إن الشعب ده واعي أو حايتغير كل حاجة بتحصل بتقول إن الناس راضين بي الواقع كدة و كل مشاكلهم الكنيسة الفلانية أو الجامع الفلاني .....و كل واحد اللي هامه زيادة مرتب أو يسافر أو يعمل اللي على دماغه و طز في بقيت الناس
و بعدين أنت عندك أمل في الناس ديه دول يا إبني بيبيعوا أصواتهم بالفلوس و فيه ناس غلابة بتقولك أنت حتفهم أحسن من الناس اللي بتكلم في التلفزيون ديه .......ديه ناس عايزة كل حاجة ديليفري و مش حاييعملو حاجة .

الحاجة اللي ناقصة في الكلام اللي فوق إن الحوار ده كان يوم ٢٠ يناير مش مارس ....يا ريت تفتكر اليوم ده كان إحساسك إيه ناحية الثورة و أصلا كنت سمعت عن يوم ٢٥ ولا لا و بعدها قولي أنت لسة قلقان من اللي بيحصل دلوقتي .
وقتها كان برضو فيه أصوات طائفية و فيه مطلب فئوية و برضو كان الشعب الناس شايفاه جاهل و مرة واحدة الشعب ده اتقلب ١٨٠ درجة لمجرد إنك فكرته بمصر .

لازم نرجع تاني نفكر إن كلنا واحد كلنا مصر و مانتاعميلش مع الموضوع على إنو مكاسب سياسة و غنائم معركة لأن مصر لسة محتاجة منا كتير ....كله نسي الفساد و نسي ممر التنمية و نسي الاقتصاد و التعليم و كله ركز في شيخ أو قسيس أو رجل سياسة
و مين مع مين و مين ضد مين ......بقت أحزاب و تكتلات و كله بيخبط في كله ........و كلنا نسينا مصر

لقد وقعنا في الفخ

لقد وقعنا في الفخ

النخبة السياسية في مصر صدمت بعد نتيجة الإستفتاء و ما حدث من تجاوزات من التيارات الدينية الإسلامية و المسيحية و احتدام الصراع الآن حول مستقبل مجلس الشعب و الدستور القادم و هو أمرمهم و ذو أولوية من أجل مستقبل مصر .
لكن الفخ الحقيقي هو نسيان مطالب هامة للثورة و هي محاسبة أباطرة الفساد في النظام السابق و تغيير قيادات الموءسسات الصحفية و التلفزيون و وضع الآلية لمراقبة أجهزة الدولة و الأجهزة الأمنية .
أيضا من يتخيل إن مصر تغيرت ما بين يوم و ليلة إذن هو مخطئ فلازال أمامنا طريق طويل من التنمية و التنوير و الهجوم على الدين أو على المثقفين لن يأتي بنفع على أحد لذا أصبح لزاما على الجميع أن يقوم بحملات توعية ضخمة و مستمرة لمن حوله و للمناطق الشعبية و مناطق المستوى الثقافي الضعيف من أجل توضيح الأمور و البعد عن خلط الأوراق .
و أعتقد أن ظهور هذه السلبيات في هذا التوقيت المبكر يعطي فرص لتدارك الموقف و يعطي مساحة للتفاؤل رغم ديق الوقت .
المهم الآن التحرك و التنظيم ما بين بعضنا البعض و تنسيق الاعمال ما بين المطالب التي لم تتم بعد و الإعداد لانتخابات نزيهة.
ولا يجب أنا ننسي إن هناك ٥٠ % من الأصوات لم تنزل بعد إذن لازال هناك أصوات يجب أن تنزل و تتواجد و يجب أن نصل لها.
أيضا حق المصريين في الخارج للتصويت هو أمر غاية في الأهمية.
كل ما أراه الآن هو حملة ترويع من خطر السلطة الدينية فقط ولا أجد شخصا واحدا يتحدث عن برنامج سياسي و إقتصادي من أجل مصر.
الحوار مع التيارات الدينية هام ولكنه ليس كل شئ